Pinatatag ng PNP Caraga Top Cop ang paninindigan sa pampublikong kaligtasan sa pagsulong ng Ligtas Undas 2024 sa iba’t ibang bahagi ng rehiyon nito lamang Nobyembre 1, 2024.
Pinangunahan ni Police Brigadier General Alan M Nazarro, Regional Director ng Police Regional Office 13, ang pagbisita at pag-inspeksyon sa mga tauhan ng PNP na naka-deploy sa iba’t ibang bahagi ng pribado at pampublikong sementeryo, bilang bahagi ng mas pinaigting na seguridad upang matiyak ang maayos at payapang paggunita ng Araw ng mga Kaluluwa.
Kasama sa mga Enhanced Security Measures ang paglalagay ng checkpoints sa mga pangunahing daan patungo sa mga sementeryo, pagtatakda ng “No Parking” zones sa paligid ng mga lugar ng pagbisita, pagdeploy ng 1,081 personnel, at ang pagbibigay ng PRO 13 ng mga emergency hotline na maaaring tawagan ng publiko sakaling may mga emergency.
Nagbigay din ang PNP ng ilang safety tips para sa publiko, tulad ng pagbabantay sa mga gamit, pag-iwas sa pagsusuot ng mamahaling alahas, at pagsunod sa mga itinakdang entry at exit points.
Pinaalalahanan din ang mga magulang na bantayan ang kanilang mga anak sa loob ng sementeryo upang maiwasan ang pagkaligaw at pagkawala.
Bukod sa PNP, katuwang din ng PRO 13 ang iba pang mga ahensya tulad ng mga lokal na pamahalaan, Bureau of Fire Protection, Armed Forces of the Philippines at mga Rescue groups upang tiyakin na may sapat na pwersa para sa seguridad at agarang tugon sakaling magkaroon ng insidente.
“We have strategically deployed our police officers at cemeteries, major thoroughfares, transport terminals, and other areas of convergence to prevent any crimes or illegal activities. We encourage the full cooperation of the public to make this solemn occasion more meaningful,” ani RD Nazarro.
Panulat ni Patrolwoman Karen Mallillin
