Sinimulan na ng Batangas PNP ang pagpapatupad ng seguridad para sa kaayusan ng paggunita ng UNDAS ngayong taon.
Kasalukuyang nakaantabay ang kapulisan ng Batangas PPO sa mga bus terminal, daungan ng mga barko at sakayang pang-dagat at sa mga sementeryo, bilang paghahanda sa pagdagsa ng uuwi at bibisita sa kani-kanilang probinsya ngayong Undas.
Mahigpit ding ipinatutupad ng pulisya ang pagbabawal ng pag-inom ng alak, pagsusugal, pagdadala ng matutulis na bagay at baril, pagtugtog ng malakas na musika, at iba pang ilegal na aktibidad sa loob ng mga sementeryo.
Ayon kay Police Colonel Jacinto R Malinao Jr., Acting Provincial Director, mas makabubuti para sa publiko na sundin ang mga safety protocols na ipinapatupad sa mga sementeryo at iwasang magdala ng anumang ipinagbabawal na gamit at kontrabando sa loob para sa maayos na pagbisita sa kanilang mga yumaong mahal sa buhay.
Layunin nitong tiyakin ang kaligtasan at seguridad ng lahat upang maiwasan ang anumang krimen na maaaring mangyari.
Source: Batangas PNP-PIO
Panunulat ni Pat Maria Sarah P Bernales
