Pinangunahan ng Isabela PNP ang isinagawang Symposium Activity sa Barangay Santa Maria, Cauayan City, Isabela nito lamang ika-27 ng Oktubre 2024.
Ibinahagi sa mga residente ang mahahalagang impormasyon ukol sa kampanya laban sa ilegal na droga, batas laban sa karahasan sa kababaihan at kanilang mga anak (RA 9262), proteksyon sa mga bata laban sa pang-aabuso (RA 7610), epekto ng maagang pagbubuntis, at ang Anti-Terrorism Act.
Bahagi ito ng Enhanced Community Immersion Program ng PNP Isabela sa ilalim ng Revitalized Pulis sa Barangay (RPSB).
Nagpaabot ng pasasalamat si Barangay Captain Jeffrey Camaso ng Barangay Sta Maria sa mga kapulisan. Aniya, “Malaking tulong ang mga kaalaman na naibahagi sa aking mga residente, at asahan ninyo ang aming patuloy na suporta sa mga programa ng kapulisan.”
Layunin ng aktibidad na mapanatili ang kaayusan, mapalakas ang suporta sa mga programang pangkapayapaan ng pamahalaan, at mabigyan ng proteksyon ang mga mamamayan laban sa banta ng terorismo at iba pang panganib.
Source: PNP Isabela
Panulat ni Pat Leinee Lorenzo
