Boluntaryong sumuko sa pulisya ang isang miyembro ng Timek ti Mangalap-Agoo La Union Chapter, dakong 12:30 ng hapon noong Oktubre 26, 2024 sa Barangay San Nicolas West, Agoo, La Union.
Kinilala ang sumuko na si alyas “Tavas”, 58 taong gulang, binata, isang mangingisda at residente ng nasabing barangay, miyembro ng Timek ti Mangalap – Agoo, La Union Chapter, isang organisasyong kinikilala bilang Communist Front Organization (CFO).
Ang pagsuko nito ay pinangunahan ng Agoo Municipal Police Station (MPS), katuwang ang La Union Provincial Intelligence Unit (LUPIU), Regional Intelligence Unit 1 – Police Intelligence Team (RIU1-PIT), at 2nd La Union Provincial Mobile Force Company (LUPMFC).
Si alyas Tavas ay sumailalim sa custodial debriefing at pumirma sa isang oath of allegiance bilang tanda ng kanyang katapatan sa pamahalaan. Ang nasabing hakbang ay isang mahalagang bahagi ng mga inisyatiba ng pamahalaan upang hikayatin ang mga kasapi ng mga rebeldeng organisasyon na muling yakapin ang kapayapaan at magbalik-loob sa ilalim ng legal na proseso ng pamahalaan.
Ang boluntaryong pagsuko ay bahagi ng 5-Point Focused Agenda ng Chief of the Philippine National Police (CPNP) at alinsunod sa Whole-of-Nation Approach ng pamahalaan sa ilalim ng Executive Order No. 70 ng National Task Force to End Local Communist Armed Conflict (NTF-ELCAC), na naglalayong tapusin ang lokal na problema sa insurhensiya sa bansa.
Source: Agoo MPS
Panulat ni PMSg Carmela G Danguecan
