Mas pinalakas ni Police Major General Sidney S Hernia, Acting Regional Director ng National Capital Region Police Office, ang ugnayan ng Media, Vlogger at Pulisya sa isinagawang inspiring meet and greet na idinaos nito lamang Lunes, Oktubre 28, 2024 sa Camp Bagong Diwa, Bicutan, Taguig City.
Pinagsama-sama sa aktibidad ang mga District Director at Public Information Officers ng limang police districts kabilang na ang Northern, Eastern, Manila, Southern, Quezon City Police Districts ng NCRPO, press corps, at vloggers mula sa PNP at civilian media outfits, na nagkaisa sa kanilang misyon na palakasin ang ugnayan ng komunidad at transparency.
Ipinahayag ni PMGen Hernia, ang kanyang pasasalamat sa patuloy na pakikipagtulungan, na itinampok at direktang hinubog ng mga kuwentong ibinahagi ng media ang pampublikong imahe ng PNP.
Binanggit na mahalaga ang papel ng media sa pagbuo ng imahe ng PNP.
“Sa pamamagitan ng pagbabahagi ng balanse, makatotohanang mga salaysay tungkol sa dedikasyon at integridad ng aming mga tauhan, nakakatulong ang linangin ang tiwala at kumpiyansa ng publiko sa puwersa ng pulisya. Ang nasabing pagtitipon na ito ay muling nagpatibay sa pangako ng NCRPO sa paghahatid ng transparency, pagbibigay inspirasyon sa mga nakabahaging salaysay na nagtataguyod ng tiwala, integridad, at kumpiyansa ng publiko sa pagpapatupad ng batas,” dagdag ni RED Hernia.
Source: PIO NCRPO
Panulat ni PSSg Remelin M Gargantos
