Nasabat ang tinatayang Php370,000 halaga ng smuggled cigarettes sa isinagawang checkpoint operation ng mga otoridad sa Moore Ave., Brgy. Alat, Jolo, Sulu noong ika-28 ng Oktubre 2024.
Bandang 05:30 ng hapon nang ikasa ng Jolo Municipal Police Station sa pangunguna ni Police Lieutenant Colonel Annidul M Sali, Chief of Police, ang naturang operasyon katuwang ang mga tauhan ng 1404th RMFC-B, RMFB14-B.
Isang abandunadong sasakyan na Nissan Navara na may palakang JCT 4725 ang inusisa ng pulisya at tumambad ang 10 kahon ng Berlin Brand smuggled cigarettes na may estimated value na Php370,000.
Patuloy pa rin ang isinasagawang malalim na imbestigasyon ng Jolo PNP para mahuli ang suspek at managot sa batas ang nasa likod ng smuggled cigarettes.
Panulat ni Patrolwoman Veronica Laggui
