Timbog ng mga tauhan ng Valencia City Police Station kasama ang 1003rd Manuever Company ng Regional Mobile Force Battalion 10, Regional Anti-Cybercrime Unit 10 at Bukidnon Cyber Response Team ang isang babae sa kasong Cybercrime Prevention Act of 2012 nito lamang ika-26 Oktubre 2024.
Kinilala ni Police Major Felipe O Yap Jr., Officer-In-Charge ng Valencia MPS, ang suspek na si alyas ” Rosa ” 33 taong gulang, walang asawa at residente ng Purok 18, Brgy. Poblacion, Valencia City, Bukidnon.
Nahuli ang suspek sa bisa ng warrant of arrest kaugnay ng apat na kasong paglabag sa Cybercrime Prevention Act of 2012.
Patuloy ang Valencia City PNP sa pagsagawa ng mga operasyon upang mahuli ang mga may sala sa batas at mapanatili ang ligtas at payapang komunidad.
