Arestado sa isinagawang operasyon ng Calinan Police Station ang Top 6 City High Value Drug Personality sa Purok 3, Barangay Lacson, Calinan District, Davao City nito lamang Oktubre 28, 2024.
Kinilala ni Police Major Leo Arvin O Alce, Officer-In-Charge ng Calinan Police Station, ang suspek na si alyas “Dol”, 29 anyos at residente ng Teacher Village, Barangay Calinan, Davao City.
Ang suspek ay naaresto sa isinagawang buy-bust operation ng nasabing estasyon kung saan narekober mula sa suspek ang humigit kumulang 2.56 na gramo ng hinihinalang shabu na may standard drug price na PhP17,408 at isang yunit ng revolver cylinder na may 6 na .38 live ammunition.
Mahaharap sa kasong paglabag sa Republic Act 9165 o Comprehensive Dangerous Drugs Act of 2002 at Republic Act 10591 o Comprehensive Firearms and Ammunition Regulation Act ang suspek.
Samantala, ang laban kontra kriminalidad ay patuloy na pinaiigting ng Police Regional Office 11 alinsunod sa kampanya ng Bagong Pilipinas na panatilihin ang kapayapaan at kaayusan tungo sa pagsulong ng bansa.
Panulat ni Patrolwoman Shairra Rose A Aquino
