Arestado ang isang lalaki sa kasong paglabag sa RA10591 sa isinagawang intel driven operation kaugnay sa search warrant na inihain ng mga otoridad sa Purok 1 Brgy. Mabuhay, Rizal Zamboanga del Norte nito lamang ika- 25 ng Oktubre 2024.
Kinilala ni Police Captain Marvic L Mapacpac, Officer-In-Charge, Rizal Municipal Police Station, ang naarestong suspek na si alyas “Anging” 62 anyos, lalaki at residente ng Purok 1 Brgy. Mabuhay, Rizal Zamboanga del Norte.
Nakumpiska sa suspek ang isang yunit ng Caliber 38 Revolver, tatlong caliber 38 live ammunitions, isang caliber 38 na walang laman ang cartridge, isang improvised shotgun na walang markings at may isang magazine, at apat na piraso ng 12-gauge shotgun ammunition.
Ang suspek ay nahaharap sa kasong paglabag sa RA10591.
Patunay lamang ito na ang Pambansang Pulisya, katuwang ang iba’t ibang ahensya ng gobyerno, ay patuloy sa pagpapatupad ng kanilang sinumpaang tungkulin kontra kriminalidad na naaayon sa agenda ng gobyerno na itaguyod ang kaayusan at kaligtasan ng publiko, kapayapaan at seguridad na magkaroon ng maunlad na sa isang Bagong Pilipinas.
Panulat ni Patrolwoman Joyce Franco
