Nagpaabot ng tulong ang mga tauhan ng Police Regional Office 3, sa mga pamilyang naapektuhan ng Bagyong Kristine na nagdulot ng matinding pagbaha at lahar sa Bicol Region nito lamang ika-25 ng Oktubre 2024.
Ito ay pinamunuan ni Police Brigadier General Redrico A Maranan, Regional Director ng Police Regional Office 3.
Ang mga relief goods tulad ng pagkain, tubig, at mahahalagang kagamitan ay tinipon at inorganisa ng mga lokal na yunit ng pulisya.
“Ang pangunahing layunin natin ay tiyakin na ang mga pamilyang naapektuhan ng bagyong Kristine na makatanggap ng kinakailangang tulong. Ang ating mga kapulisan ay handang tumulong at magpakita ng pagkakaisa sa kanilang oras ng pangangailangan. Magtulungan tayo upang maibalik ang pag-asa at katatagan sa ating mga kababayan sa Bicol at sa iba pang apektadong lugar. Ang bawat maliit na tulong ay mahalaga, at sa pagkakaisa, makakagawa tayo ng malaking pagbabago,” saad ni RD Maranan.
