Nagbigay ng libreng sakay ang mga tauhan ng Orani Municipal Police Station para sa mga pamilyang lumikas dahil sa Bagyong Kristine upang matulungang makabalik sa kanilang mga tahanan sa Orani, Bataan nito lamang Sabado, ika-26 ng Oktubre 2024.
Ang aktibidad na ito ay pinangunahan ng Orani Municipal Police Station sa pamumuno ni Police Captain Harold F Genetiano, Officer-In-Charge.
Bahagi ito ng programang pangserbisyo ng PNP upang matiyak ang kaligtasan at kaginhawahan ng mga lumikas, at upang maipakita ang patuloy na pagsuporta sa mabilis na pagbangon ng komunidad.
Layunin ng libreng sakay na masiguro ang maayos at ligtas na pagbabalik ng mga evacuees, kasabay ng pagpapakita ng malasakit at serbisyo sa mga apektadong mamamayan.
Sa pagsusumikap na maghatid ng dekalidad na serbisyo publiko, ang Orani PNP ay nagsikap na maging maayos at ligtas ang pag-uwi ng mga lumikas. Ipinatupad din ang mga pangunahing hakbang sa disaster response bilang tugon sa panawagan ng pamahalaan para sa kapakanan at kaligtasan ng bawat mamamayan.
