Nasabat ang tinatayang Php481,000 halaga ng smuggled cigarettes sa tatlong arestadong suspek sa ikinasang checkpoint operation ng mga otoridad sa Barangay Linuk, Madalum, Lanao del Sur nito lamang ika-23 ng Oktubre 2024.
Kinilala ni Police Lieutenant Colonel Ray Brian T Sepe, Officer-In-Charge ng Madalum Municipal Police Station, ang mga naarestong suspek na sina alyas “Abdul”, 37 anyos; alyas “Jalanie”, 20 anyos; at alyas “Halim”, 18 anyos; na pawang mga residente ng Bacolod, Kalawi, Lanao del Sur.
Ayon kay PLt Sepe, bandang 6:00 nang umaga nang ikasa ang operasyon ng Madalum MPS nang mapansin ang isang motorcycle pedicab na may iba’t ibang klase ng sigarilyo na walang health graphic warnings at walang dokumento galing sa Bureau of Customs at nasabat ang 13 na kahon ng iba’t ibang brand ng smuggled cigarettes na may estimated value na Php481,000.
Samantala, kasong paglabag sa Republic Act 10643 o “The Graphic Health Warning Law” ang kakaharapin ng mga naarestong suspek.
Patuloy naman ang Madalum PNP na magsasagawa ng malalim na imbestigasyon upang mapanagot ang nasa likod ng serye ng smuggled cigarettes.
Panulat ni Patrolwoman Ma. Señora J Agbuya
