Arestado ang dalawang Most Wanted Person na may kasong panggahasa sa magkahiwalay na operasyon ng pulisya sa Lungsod ng Puerto Princesa, nito lamang ika-24 ng Oktubre 2024.
Unang naaresto ng mga tauhan ng Police Station 4, ang isang 19 anyos na lalaki sa Barangay Macarascas na may kasong Statutory Rape at walang inilaan na piyansa habang may kaso rin ito na Act of Lasciviousness na may nakalaang piyansa na Php108,000.
Sa pakikipagtulungan rin ng PPCPO’s CIU, Police Station 1 ay naaresto rin ang isang 32 anyos na lalaki sa Barangay Maunlad, dahil sa kasong Attempted Rape at may piyansa na nagkakahalaga na Php120,000.
Patunay lamang na ang kapulisan ay patuloy sa pagpapatupad ng kanilang sinumpaang tungkulin kontra kriminalidad na naaayon sa mga programa ng pamahalaan na magkaroon ng maunlad na bansa para sa sambayanang Pilipino tungo sa isang bagong Pilipinas.
Source: 104.7 XFM Palawan
Panulat ni Patrolwoman Ana Rose D Guadaña
