Pinangunahan ng Regional Mobile Force Battalion 5 ang pagsasagawa ng clearing operations sa bayan ng Libon, Albay nitong Huwebes, Oktubre 24, 2024.
Isa ang Libon, Albay sa pinakanaapektuhan ng Bagyong Kristine kung saan umabot sa lampas-tao ang baha.
Nilinis ng grupo ang mga kalsada sa mga gumuhong lupa, natumbang mga puno at iba pang mga bagay na maaaring magdulot ng panganib sa mga dumadaan.
Layunin nito na upang matiyak ang kaligtasan at kaginhawaan ng publiko sa panahon ng kalamidad. Handang nakaantabay ang pwersa ng kapulisan sa mga ganitong uri ng kaganapan para bigyang seguridad ang mamamayan.
