Nagsagawa ang mga tauhan ng Tagaytay City Component Police Station ng community road clearing operations bandang 3:00 ng umaga nito Huwebes, Oktubre 24, 2024 kasunod ng pananalasa ng Bagyong Kristine na nagdulot ng pagbara ng mga kalsada dulot ng mga nahulog na puno at mga kalat.
Ito ay pinangunahan ni PLtCol Jefferson P Ison, Officer-In-Charge ng Tagaytay CCPS. Tinugunan ng grupo ang pangangailangan para sa ligtas na daanan at para mabigyan ang mga residente ng agarang mga serbisyo sa panahon ng kalamidad.
Ang pagtugon ng Tagaytay PNP sa ganitong mga pangyayari ay nagpapakita ng kanilang lubos na malasakit sa komunidad at pagbibigay ng kaligtasan at seguridad para sa ikabubuti ng lahat.
