Arestado ang tinaguriang Top 8 Regional Most Wanted Person na may patong-patong na kaso sa isinagawang paghahain ng Warrant of Arrest ng mga otoridad sa Barangay Mabuhay, General Santos City nito lamang ika-23 ng Oktubre 2024.
Kinilala ni Police Major Wesley P Matillano, Station Commander ng General Santos City Police Station 9, ang suspek na si alyas “Janjan”, 20 na taong gulang, walang asawa, laborer at residente ng nasabing barangay.
Ikinasa ang Warrant of Arrest ng mga tauhan ng General Santos City Central Intelligence Unit, PNP CIDG-General Santos City laban sa suspek para sa kasong Two Counts of Statutory Rape na walang inirekomendang piyansa, Sexual Assault na may Php200,000 piyansa at Php180,000 naman para sa kasong Acts of Lasciviousness.
Patuloy ang Gensan PNP sa pagsagawa ng mga operasyon upang mahuli ang mga may pananagutan sa batas at mabigyan ng hustisya ang mga naging biktima para sa mas ligtas at maayos na komunidad.
