Matagumpay ang isinagawang intelligence operation ng mga kapulisan na nagresulta sa boluntaryong pag-alis ng isang taga-suporta ng CTG sa Purok 8, Barangay Maasin, Brooke’s Point, Palawan nito lamang ika-22 ng Oktubre 2024.
Kinilala ang sumuko na si alyas “Victor”, 18 taong gulang, binata, magsasaka, miyembro ng Indigenous Tribe Palaw-an, at residente ng nabanggit na barangay. Siya ay isang Susing Masa ng binuwag na Bienvinedo Vallever Command sa ilalim ng KLG-SOUTH, NPA-Palawan, SRMA-4E, STRPC, nakalista sa Non-PSR.
Naisakatuparan ang operasyong ito sa pinagsanib pwersa ng mga tauhan ng 1st Palawan PMFC (lead unit) kasama ng mga tauhan ng PIU-Palawan PPO, Brooke’s Point MPS, at PIT Palawan RIU 4B.
Batay sa inisyal na briefing, siya ay na-recruit sa munisipyo ng Brookes Point, Palawan, noong 2019 ng kanyang ama, ang dating rebeldeng si alyas “Jing”, at 13 taong gulang lamang noong panahong iyon at naging katulong at gabay sa grupo. Madalas niyang tinutulungan si alyas “Andrea” upang ialerto ang grupo kung may papalapit na mga sundalo sa bundok.
Ang sumukong si alyas “Victor” ay kasalukuyang nasa kustodiya na ng 1st Palawan PMFC para sa dokumentasyon at tactical interview.
Ang matagumpay na operasyon na ito ay patunay lamang na ang kapulisan ay patuloy sa pagsasagawa ng kanilang tungkulin na wakasan ang terorismo sa bansa sapagkat sa bagong Pilpinas ang gusto ng pulis ay ligtas ka!.
Source: 1st Palawan PMFC
Panulat ni Patrolwoman Ana Rose D Guadaña
