Walang takas sa mga awtoridad ang tinaguriang Top 1 Municipal Most Wanted Person na may kasong Homicide matapos mahuli sa Barangay Bolongtoan, Dulag, Leyte nito lamang Oktubre 21, 2024.
Kinilala ni Police Major John Rey R Layog, Acting Chief of Police ng Burauen Municipal Police Station, ang suspek na si alyas “Ernesto”, 56 anyos, magsasaka at residente ng Barangay Bolongtoan, Dulag, Leyte.
Bandang 9:15 ng umaga nang maaresto ang suspek ng mga tauhan ng Burauen Municipal Police Station sa koordinasyon sa Dulag Municipal Police Station sa bisa ng Warrant of Arrest para sa kasong Homicide na may piyansa na Php120,000 para sa pansamantalang kalayaan.
Patunay na ang hanay ng PNP ay hindi titigil upang hulihin ang mga taong lumalabag sa batas at hinihikayat ng kapulisan ang komunidad na makipagtulungan at agad na isumbong sa mga awtoridad kung sakaling may makitang kahina-hinalang gawain sa kanilang lugar upang mapanatili ang payapa at ligtas na Bagong Pilipinas.
Panulat ni Patrolwoman Ma. Elena B Singian
