Arestado ang suspek na isang High Value Individual matapos mahulihan ng Php3.5 milyon halaga ng hinihinalang shabu sa isinagawang buy-bust operation ng Bohol PNP sa Purok 3, Barangay Lourdes, Cortes, Bohol, noong ika-21 ng Oktubre 2024.
Kinilala ni Police Colonel Arnel B Banzon, Acting Provincial Director ng Bohol Police Provincial Office, ang suspek na si alyas “Dodong”, 39 anyos at residente ng Purok 2, Barangay Upper De Lapaz, Cortes, Bohol.
Bandang 11:40 ng umaga ng ikinasa ng kapulisan ang naturang buy-bust operation na nagresulta sa pagkaaresto ng suspek at pagkasabat ng walong pakete ng hinihinalang shabu na may timbang na 6,800 gramo at may Standard Drug Price na Php3,400,000, buy-bust money, keypad na cellphone, digital na timbangan, itim na sling bag at Mio Yamaha na motorsiklo.
Samantala, kasalukuyang nasa kustodiya ng Cortes Municipal Police Station ang suspek at ipinaalam sa kanya ang kanyang mga karapatan sa konstitusyon at anti-torture sa ilalim ng Miranda Doctrine sa wikang kilala at naiintindihan niya. Mahaharap ito sa kasong paglabag sa Republic Act 9165 o “Comprehensive Dangerous Drugs Act of 2002”.
Ang matagumpay na operasyon ay bunga ng pinagsanib-pwersa ng Provincial Drug Enforcement Unit, BPPO, Cortes MPS, PDEGSOU7, RUI7 PIT-Bohol at PDEA-Bohol.
Ang Bohol PNP ay patuloy sa pagpapaigting ng kanilang kampanya na labanan ang mga sindikato ng droga at anumang uri ng kriminalidad dahil sa Bagong Pilipinas, ang gusto ng pulis, ligtas ka!.
Source: BPPO SR
