Nagbigay ng agarang tulong ang Camarines Norte Maritime Police Station, sa pamumuno ni Police Major Lawrence P Martinez, sa mga naapektuhan ng bagyong Kristine nito lamang Oktubre 23, 2024.
Nakipagtulungan ang mga pulis sa Matatag Bintao Eagles Club, CNPPO, at BFP upang maghanda ng relief goods para sa mga naapektuhan ng bagyo.
Nagkaroon ng relief goods packing activity ang CN MARPSTA SAR Team 1 kasama ang Matatag Bintao Eagles Club sa Barangay Minaogan, Vinzons, Camarines Norte.
Nakipagtulungan ang SAR Team 2 ng istasyon na pinamunuan ni PSMS Gilbert D Tamoc, sa CN PPO at BFP personnel upang maghanda ng food packs sa PDRRMO Office, Daet, Camarines Norte.
Ang layunin ng relief operation ay magbigay ng tulong sa mga pamilyang naapektuhan ng bagyo, na nagdulot ng malawakang pagbaha at pinsala sa mga tahanan sa lugar.
Ang mga food packs ay naglalaman ng mga pangunahing bagay tulad ng bigas, mga de-lata, at iba pang mga pangunahing suplay na ibibigay sa mga pinakamalubhang naapektuhan ng sakuna.
