Hawak na ng mga kapulisan ng Minglanilla ang lalaking suspek sa pamamaril na naganap sa Purok Dakit, Sitio Fatima, Barangay Linao Lipata, Minglanilla, Cebu noong ika-20 ng Oktubre 2024.
Kinilala ni Police Major Mark Don Alfred P Leanza, Acting Chief of Police ng Minglanilla Municipal Police Station, Cebu Police Provincial Office, ang suspek na si alyas “Negro”, 26 anyos at residente ng nabanggit na lugar.
Batay sa ulat ng pulisya, galing umano sa bahay ng suspek ang biktima. Pauwi na ito, nang tambangan ito ng suspek sa madilim na parte ng daanan at walang kaabog-abog na pinagbabaril ng tatlong beses at ng bumagsak na ito sa lupa, binaril ulit ito ng tatlong beses na naging dahilan sa agarang pagkamatay ng biktima.
Samantala, kasalukuyang nasa kustodiya ng Minglanilla MPS ang suspek na kung saan mahaharap ito sa kasong murder. Ipinaalam din sa kanya ang kanyang mga karapatan sa konstitusyon at anti-torture sa ilalim ng Miranda Doctrine sa wikang kilala at naiintindihan niya.
Ang matagumpay na pagkaaresto ng suspek ay bunga ng walang humpay na kampanya kontra kriminalidad ng Minglanilla PNP upang panatilihing ligtas at payapa ang nasasakupang komunidad tungo sa maunlad na Bagong Pilipinas.
Source: Minglanilla MPS SR
