Nakahanda ang Surigao del Norte PNP sa mga Disaster Response Operations sa mga lugar na apektado ng Tropical Storm “Kristine” sa isinagawang paghahanda na ginanap sa Surigao del Norte Police Provincial Office nito lamang ika-22 ng Oktubre, 2024.
Inalerto ni Police Colonel Nilo T Texon, Officer-In-Charge ng Surigao del Norte Police Provincial Office, ang lahat ng lower units sa Mainland at Siargao Island, sa pamamagitan ng Area Police Commands, na patuloy na subaybayan ang lahat ng highway at major thoroughfares para sa mga debris at hazards.
Ito ay upang matiyak na walang sagabal sa pagdaan ng mga sasakyang pang-emergency, kagamitan at mga suplay ng tulong.
Pinaghanda ang lahat ng mga Resources at Police Provincial Personnel na sinanay sa Search and Rescue (SAR) upang respondehan ang mga apektadong munisipalidad sa mga operasyon sa pagtugon sa kalamidad.
Ang pagsisikap na ito ay nakipag-ugnayan sa Provincial Disaster Risk Reduction and Management Office (PDRRMO), Municipal Disaster Risk Reduction and Management Office (MDRRMO), Local Government Units, at iba pang ahensya ng gobyerno.
Layunin ng nasabing aktibidad na ihanda ang Search and Rescue Equipment maging ang mga personnel nito para sa mga karagdagang aksyon at deployment ng PNP Personnel.
Lubos na pinapaalala sa publiko na manatiling aktibo sa kanilang mga komunidad. Kung nakatagpo ng anumang emergency o nangangailangan ng tulong, mangyaring iulat ang mga insidenteng ito sa pamamagitan ng PNP hotline o sa kanilang opisyal na mga Social Media Platform dahil sa Bagong Pilipinas ang Gusto ng Pulis, Ligtas Ka!.
Panulat ni Patrolwoman Karen Mallillin
