Naglunsad ang mga tauhan ng Camarines Norte Maritime Police Station ng sapilitang paglikas ng mga residente mula sa mga mabababang lugar na diretsong maaapektuhan ng mabilis na pagtaas ng tubig-baha dulot ng bagyong Kristine sa iba’t ibang parte ng Daet, Camarines Norte nito lamang Oktubre 22, 2024.
Ang hakbang na ito ay mahigpit na pinapatupad sa utos ni Police Brigadier General Jonathan A Cabal, Director, PNP Maritime Group, katuwang ang Daet MDRRMO, BFP SRU at mga opisyal ng naturang Barangay.
Ito ay ginawa upang maprotektahan ang mga tao mula sa mga potensyal na panganib na dulot ng malakas at tuloy-tuloy na pag-ulan lalo na sa mga mabababang lugar na may mas mataas na banta ng pagbaha at pagguho ng lupa.
Patuloy na nagsisikap ang PNP-Maritime Group na tulungan ang lahat ng apektado ng bagyong Kristine sa anumang paraan. Hinimok din ang publiko na maging maingat sa lahat ng pagkakataon at sumunod sa mga updates mula sa mga awtoridad.
Panulat ni Patrolwoman Shairra Rose A Aquino
