Hindi alintana ng mga tauhan ng Revitalized Pulis Sa Barangay Team Cabari-an ang matinding pag-ulan at malakas na hangin na dulot ng bagyong Kristine upang isagawa ang disaster rescue and evacuation ng mga residenteng apektado ng bagyo sa Barangay Cabari-an, Pambujan, Northern Samar nito lamang Oktubre 22, 2024.
Ang naturang rescue operation ay pinangunahan ni Police Lieutenant Miles Justin E Fongafong, Auxiliary Team Leader sa ilalim ng pamumuno ni Police Colonel Sonnie B Omengan, Provincial Director ng Northern Samar Police Provincial Office.
Ang gawaing ito ay isang simbolo ng malasakit at pagkakaisa ng iba’t ibang ahensya ng pamahalaan sa pagtulong sa mga kababayan nating naapektuhan ng kalamidad.
Sa pamamagitan ng kanilang sama-samang pagtutulungan, naipapakita ang hindi lamang agarang aksyon kundi pati na rin ang patuloy na pakikiramay sa mga pamilyang nangangailangan ng suporta.
Layunin ng aktibidad na higit pang palakasin ang ugnayan at pagtutulungan sa komunidad na nagtataguyod ng matibay na ugnayan sa pagitan ng mga tagapaglingkod ng bayan at ng mamamayan.
Patuloy na naninindigan ang PNP sa kanilang tungkuling maghatid ng serbisyo at tulong sa mga nangangailangan, habang sinisiguro ang kaligtasan at kapayapaan ng bawat komunidad.
Panulat ni Pat Camberleigh Flores
