Nagsagawa ng Search and Rescue Operation ang mga awtoridad sa mga residente na tinamaan ng tubig-baha matapos ang malakas na pag-ulan dulot ng hagupit ng Bagyong Kristine sa iba’t ibang barangay ng Libon, Albay nito lamang Martes, Oktubre 23, 2024.
Ang naturang Search and Rescue Operation ay pinangunahan ni Police Major Philip Nathaniel B San Buenaventura, Chief of Police ng Libon Municipal Police Station, katuwang ang BFP-Libon, at Local Government Unit.
Bitbit ang kanilang mga kagamitan tulad ng rubber boat at mga lubid, sinuyod ng naturang grupo ang mga lugar na lubog sa baha upang ma-rescue ang mga residente na na-trap sa kanilang mga tahanan.
Ang pagsisikap na iabot ang agarang tulong ay nagpapakita ng tunay na serbisyo publiko at maaasahan ang PNP sa oras ng pangangailangan.
Source: Libon Municipal Police Station
Panulat ni PSSg Grace Neville L Ortiz
