Nagsanib pwersa ang mga tauhan ng PRO 5 Regional Headquarters Rescue Team at Albay PPO sa pagsasagawa ng rescue operation sa Barangay Ubaliw, Oas, Albay nito lamang madaling araw ng Oktubre 23, 2024.
Kasalukuyang nananalasa ang Bagyong Kristine sa rehiyon ng Bicol at ipinag-utos ni PBGen Andre Dizon, Regional Director ng PRO 5 na ang lahat ng kapulisan sa rehiyon ay magsagawa ng rescue operation upang isalba at ilikas sa ligtas na lugar ang mga residenteng apektado ng bagyo.
Patuloy ang Bicol PNP sa kanilang mga hakbang upang matulungan at matugunan ang mga pangangailangan ng mamamayan habang sinisigurado ang kaligtasan ng bawat isa.
