Nagsagawa ng Livelihood Training Program na Banana Vinegar Making ang mga tauhan ng Nueva Ecija 2nd Provincial Mobile Force Company para sa mga residente ng Barangay Piut, Carranglan, Nueva Ecija nito lamang Sabado, ika-19 ng Oktubre 2024.
Ang naturang aktibidad ay pinangunahan ni Police Captain Pepe H Alindayo, Jr., Team Leader sa ilalim ng pamumuno ni Police Lieutenant Colonel Warly C Bitog, Force Commander ng Nueva Ecija 2nd Provincial Mobile Force Company.
Ibinahagi ang paraan ng paggawa ng Banana Vinegar na maaaring magamit sa pangkabuhayan o ang pagnenegosyo para sa pang araw-araw na pangangailangan.
Patuloy ang ating Pambansang Pulisya sa mga ganitong aktibidad na naglalayong palakasin ang ugnayan ng komunidad upang matulungan ang mga mamamayan sa pangkabuhayan na isa sa layunin ng kasalukuyang administrasyon na maunlad at masaganang Bagong Pilipinas.
Panulat ni Digna Jane Tenorio Malubay
