Nasamsam ang tinatayang Php136,000 halaga ng shabu at baril mula sa isang carnapper ng mga operatiba ng Parañaque City Police Station sa Roxas Blvd. Southbound, Barangay Tambo, Parañaque City nito lamang Linggo, ika-20 ng Oktubre 2024.
Kinilala ni Police Brigadier General Bernard R Yang, District Director ng Southern Police District, ang suspek na si alyas “Oliver”, 33 anyos.
Habang nagpapatrolya ang Tambo Police Sub-Station 2 nang namataan ang isang 23 anyos na si “Chinie”, call center agent at humihingi ng tulong dahil tinutukan ng baril at ninakaw ang motorsiklo ng suspek na si alyas “Oliver”.
Agad namang naharang ng mga awtoridad at nasamsam ang dalawang heat-sealed plastic sachet na hinihinalang shabu na humigit-kumulang 20 gramo ang bigat at tinatayang nasa Php136,000 ang street value, replica ng kalibre .45 at ang ninakaw na itim na motorsiklo
Reklamong paglabag sa Republic Act 10883 (Carnapping), paglabag sa RA 9165 (Comprehensive Dangerous Drugs Act of 2002) at RA 10591 (Comprehensive Firearms and Ammunition Regulation Act) ang kakaharapin ng suspek.
Ang pagpapalakas ng presensya ng Parañaque PNP ay nag-ugat sa isang matagumpay na operasyon sa pagpigil sa anumang uri ng kriminalidad sa lugar at nagbibigay ng malakas na tiwala at suporta sa ating komunidad upang mas lalo pang maging ligtas ang ating lipunan.
Source: SPD PIO
Panulat ni PSSg Remelin M Gargantos
