Tinatayang Php223,720 halaga ng shabu ang nakumpiska ng mga operatiba ng Taguig City Police Station sa ikinasang buy-bust operation dakong 10:00 ng gabi ng Biyernes, Oktubre 18, 2024 sa Barangay Cembo, Taguig City.
Kinilala ni Police Brigadier General Bernard R Yang, District Director ng Southern Police District, ang naarestong suspek na si alyas “Daniel”.
Sa operasyon, nakuha ng mga operatiba ng Taguig City Police Station Drug Enforcement Unit ang walong heat-sealed transparent plastic sachets na naglalaman ng hinihinalang shabu na tumitimbang ng humigit-kumulang sa 32.9 gramo na may street value na Php223,720, isang tunay na Php500 bill na ginamit bilang buy-bust money, apat na piraso ng Php1,000 boodle money, at isang coin purse.
Mahaharap sa kasong paglabag sa Sections 5 at 11 ng Article II ng Republic Act 9165 o “Comprehensive Dangerous Drugs Act of 2002” ang nahuling suspek.
Hindi titigil ang PNP sa pagsugpo sa talamak na bentahan ng ilegal na droga sa bansa upang makamit ang isang mapayapa, ligtas at maunlad na Bagong Pilipinas.
Source: SPD PIO
Panulat ni PSSg Remelin M Gargantos
