Nasabat sa tatlong indibidwal ang Php238,000 halaha ng shabu sa isinagawang drug buy-bust operation ng Santiago City PNP sa Purok 5, Barangay Calaocan, Santiago City, Isabela noong ika-16 ng Oktubre 2024.
Kinilala ni Police Captain Rogelio A Soriano Jr, Chief of Police ng Santiago City Police Office – Station 1, ang mga suspek na sina alyas “Abdul”, 44 taong gulang, coconut vendor, at residente ng Barangay Calaocan; alyas “Henson”, 34 taong gulang, driver, residente ng Barangay Rosario at alyas “Elton”, 47 taong gulang, negosyante at pawang mga taga Lungsod ng Santiago.
Nakumpiska mula sa pag-iingat ng mga suspek ang isang pirasong heat sealed transparent sachet na naglalaman ng hinihinalang shabu na may timbang na limang gramo at may Standard Drug Price na Php34,000, 29 piraso na heat-sealed transparent sachet na naglalaman ng hinihinalang shabu na may timbang na 30 gramo at may SDP na Php204,000, calibre 45 na may anim na bala, buy-bust money, cellphone, wallet, coin purse at Isuzu White Freezer Van.
Ang matagumpay na operasyon ay sa pagtutulungan ng pinagsanib na puwersa ng City Drug Enforcement Unit – Santiago City Police Office at Santiago City Police Office – Station 1.
Samantala, nasa kustodiya na ng Santiago City Police Office – Station 1 ang mga suspek at nakumpiskang ebidensya para sa dokumentasyon at tamang disposisyon.
Source: Police Regional Office 2
Panulat ni Pat Donnabele Galang
