Kusang sumuko ang isang babae na miyembro ng Communist Terrorist Group (CTG) sa Barrio sa mga otoridad sa San Jose Manabo, Abra nito lamang ika-15 ng Oktubre 2024.
Ayon kay Police Colonel Jeremias G Oyawon, Provincial Director ng Abra Police Provincial Office, naging matagumpay ang pagsuko sa pangunguna ng 2nd Abra Provincial Mobile Force Company, katuwang ang Abra Provincial Intelligence Unit, Regional Intelligence Division, Police Regional Office CAR at Regional Intelligence Unit 14.
Hindi na pinangalan ang sumuko para sa kanyang seguridad.
Kasabay ng kanyang pagbabalik-loob sa gobyerno ay isinuko rin nito ang isang caliber 38 revolver na walang serial number, markings, at ammunition.
Patunay lamang na epektibo ang iba’t ibang programa ng pamahalaan sa tulong ng PNP upang tuldukan ang insurhensiya at terorismo na hadlang sa pag-unlad ng ating bansa.
