Arestado ng mga awtoridad ang isang lalaking Wanted Person na may kasong Frustrated Murder sa Barangay Cantaguic, Paranas, Samar nito lamang Oktubre 16, 2024.
Kinilala ni Police Lieutenant Joel S Verzosa, Deputy Chief ng Samar Provincial Intelligence Unit, ang suspek na si alyas “Ednan”, 36 anyos, magsasaka at residente ng Barangay Cantaguic, Paranas, Samar.
Bandang 1:40 ng hapon nang maaresto ang suspek ng mga tauhan ng Samar Police Provincial Office – Provincial Intelligence Unit kasama ang Samar Provincial Drug Enforcement Unit, Paranas Municipal Police Station at Catbalogan City Police Station sa bisa ng Warrant of Arrest para sa kasong Frustrated Murder na may piyansa na Php200,000 para sa pansamantalang kalayaan.
Ang matagumpay na pagkakaaresto sa suspek ay patunay lamang na epektibo ang pagpapatupad ng Pambansang Pulisya ng kanilang sinumpaang tungkulin na maghatid ng serbisyo publiko para sa mas payapa, ligtas at maunlad na Bagong Pilipinas.
Panulat ni Patrolwoman Ma. Elena B Singian
