Arestado ng mga operatiba ng San Vicente Municipal Police Station ang Provincial Most Wanted Person ng Camarines Norte na may kasong rape sa Barangay Silangan, San Vicente, Camarines Norte, nito lamang ika-15 ng Oktubre 2024.
Kinilala ang suspek na si alyas “James”, 24 na taong gulang, residente ng Sitio Basa, Pantalan, Nasugbo, Batangas.
Ang nasabing suspek ay nadakip sa bisa ng Warrant of Arrest ng pinagsanib na puwersa ng San Vicente Municipal Police Station at ng Criminal Investigation and Detection Group (CIDG) Camarines Norte Provincial Field Unit (PFU) bandang alas-9 ng gabi sa nasabing lugar.
Bago ikinulong ang suspek ay sumailalim muna ito sa kaukulang proseso, kabilang ang pag-alam ng kanyang mga karapatan at pagsusuri ng kalagayang medikal, bilang pagsunod sa mga alituntunin ng karapatang pantao.
Samantala tiniyak naman ng pamunuan ng Police Regional Office 5 ang patuloy na pagpapalakas ng operasyon laban sa mga wanted persons sa buong rehiyon bilang bahagi ng pagtugon sa pagbibigay ng hustisya sa mga biktima ng krimen at pagpapanatili ng kaayusan sa rehiyon ng Bicol. Dahil dito sa Bagong Pilipinas ang gusto ng Pulis, Ligtas ka!.
Source: PNP Kasurog Bicol
Panulat ni Pat Rose Ann Delmita
