Isinagawa ng Regional Internal Affairs Service (RIAS) 13 ang Pro-Active Inspection at Audit sa mga tauhan ng Surigao del Norte Police Provincial Office na ginanap sa Surigao del Norte PPO Grounds, Borromeo Street, Surigao City nito lamang ika-16 ng Oktubre, 2024.
Pinangunahan ni Police Colonel Gerry O Ratunil, Regional Director ng RIAS 13, ang nasabing pagsusuri katuwang ang mga miyembro nito sa mga tauhan ng Surigao del Norte Police Provincial Office sa ilalim ng pamumuno ni Police Colonel Nilo T Texon.
Kabilang sa isinagawang aktibidad ay ang Accounting of personnel at ang pag-inspeksyon sa “Tamang Bihis”, pati na rin ang mga na isyung baril at ATM cards ng Land Bank of the Philippines (LBP).
Sinuri rin ang kalinisan ng mga opisina, palikuran, at mga nakapaligid na lugar.
Sa isinagawang inspeksyon, nagbigay si PCol Ratunil ng mga tagubilin at binigyang-diin ang kahalagahan ng pagsasagawa ng pagsusuri sa bawat yunit.
Ang Pro-Active Inspection and Audit ay isang mahalagang bahagi ng mga proseso sa PNP upang mapanatili ang integridad, propesyonalismo, at epektibong serbisyo sa mamamayan.
“All PNP personnel must strictly adhere to the guidelines set by the National Headquarters to maintain the highest standards of Professionalism and Accountability,” ani PCol Ratunil.
Panulat ni Patrolwoman Karen A Mallillin
