Matagumpay ang pagsasagawa ng simultaneous tree and mangrove planting activity sa inisyatiba ng 2nd Special Operations Unit-Maritime Group (2nd SOU-MG) na ginanap sa Barangay Mangingisda, Puerto Princesa City; Sitio Balisungan, Barangay Tagumpay, Coron, at Sitio Taglumot, Barangay Pinaglabanan, Quezon, Palawan nito lamang ika-15 ng Oktubre 2024.
Ang malawakang gawaing ito ay dinaluhan ng maraming ahensya na nagpapatupad ng batas at stakeholders ng komunidad, kabilang ang mga tauhan ng LGU Coron, BFAR Coron, Philippine Coast Guard (PCG) Coron, Shalom Women’s Biodiversity Conservation Association, Two Seasons Management and Staff, Barangay Officials, BPATS, AMPA Guards, mga estudyante mula sa Western Philippines University (WPU), mga lokal na fisherfolks, at iba pang mga nagboluntaryo.
Umabot sa kabuuang 200 propagules, 100 seedlings (Bakawan) at 35 Palawan Cherry seedlings ang naitanim sa naturang aktibidad.
Ang sabay-sabay na pagtatanim ay bahagi ng mandato ng kapulisan na itaguyod ang pangangalaga sa kapaligiran at baybayin, itaas ang kamalayan ng publiko, at mag-ambag sa pangmatagalang pangangalaga ng mga yamang dagat at baybayin.
Hinihikayat ang lahat na patuloy na makilahok sa mga katulad na aktibidad na nagpapakita nang pagkakaisa para sa pangmatagalang pangangalaga sa likas na yaman ng rehiyon sapagkat sa bagong Pilipinas hindi lamang ang mamamayan ang pinapahalagahan kundi maging ang likas yaman na ating pinagkukunan ng kabuhayan.
Source: Palawan Maritime Pulis Sou II
Panulat ni Patrolwoman Ana Rose D Guadaña
