Matagumpay na naaresto ng Police Regional Office 3, ang pitong suspek, kasama ang mastermind, sa walang habas na pagpatay sa mag-asawang online seller na sina Arvin at Lerma Lulu noong ika-4 ng Oktubre 2024.
Ipinahayag ni Police Brigadier General Redrico A Maranan, Regional Director ng Police Regional Office 3, ang mga pagkakakilanlan ng mga suspek sa isinagawang press conference na ginanap sa Patrol Hall ng PRO 3, Camp Captain Julian Olivas, City of San Fernando, Pampanga, nito lamang ika-15 ng Oktubre 2024.
Pinangunahan ni PBGen Maranan ang buong operasyon at paghahanda, kasama sina Police Colonel Jeffrey Decena, Acting Deputy Regional Director for Administration, Police Colonel Reynaldo S. Ogay Jr., Deputy Regional Director for Operations, at Police Colonel Jay C. Dimaandal, Provincial Director ng Pampanga Police Provincial Office.
Nabatid na ang motibo sa pagpatay sa mag-asawa ay ang malaking halaga ng utang sa mga biktima at ang mastermind ay kaibigan mismo ng mga ito at may utang na aabot sa Php13 milyon.
Ang mga suspek ay sina Anthony C Limon, mastermind, kaibigan ni Lerma; Joanna Marie R Perez, Online Seller; Rolando R Cruz, middle man; alyas “Dondon”, co-middleman; Arnold D Taylan, driver; alyas “JV”, back rider; at Sancho P Nieto, driver.
Nabatid din na bahagi ng isang organized group ang mga suspek, na mga aktibong gun-for-hire sa mga probinsya ng Pampanga, Nueva Ecija, at Bataan.
Ipinakita rin sa press conference ang mga nakumpiskang ebidensya, kabilang ang mga baril, bala, granada, jacket, helmet, at iba pang paraphernalia na posibleng ginamit sa pagpatay at sa iba pang krimen sa Central Luzon.
Nahaharap ang mga suspek sa kasong Double Murder.
“We will not allow those who commit heinous crimes to escape justice. The commendation serves as a morale booster for all PRO 3 personnel, inspiring them to continue their unwavering dedication to their duty. The recognition from the highest levels of the PNP reinforces the importance of their efforts and motivates them to remain steadfast in their commitment to upholding the rule of law and protecting the communities they serve”, ani PBGen Maranan.
