Timbog ang isang lalaki na kabilang sa DI-Listed sa ikinasang buy-bust operation ng City Drug Enforcement Unit ng Valencia City Police Station bandang 7:39 ng gabi nito lamang Oktubre 15, 2024 sa Purok 2, Bagontaas, Valencia City, Bukidnon.
Kinilala ni Police Lieutenant Colonel Mithchel C Clemencio, Hepe ng Valencia City Police Station, ang suspek na si alyas “Luigie”, 24 taong gulang, walang asawa, laborer at residente ng Barangay San Carlos, Valencia City, Bukidnon.
Nakuha mula sa operasyon ang apat na pakete ng hinihinalang shabu na may bigat na 3.2 na gramo na may Standard Drug Price na Php21,760, at isang Php500 bill na ginamit bilang buy-bust money.
Nahaharap ang suspek sa kasong paglabag sa Republic Act 9165 o “Comprehensive Dangerous Drugs Act of 2002”.
Ang matagumpay na operasyon kontra sa ilegal na droga ay isang patunay na ang Valencia City PNP ay patuloy sa pagsasagawa ng mga operasyon upang sugpuin ang droga sa kanilang nasasakupan para sa ligtas at payapang Bagong Pilipinas.
