Matagumpay ang rescue operation na isinagawa ng Marinduque Maritime Police Station habang sila’y nagsasagawa ng seaborn patrol operation sa Boyabod Port at Polo Island nito lamang ika-11 ng Oktubre 2024.
Ayon sa ulat, nakatanggap ng tawag ang Maritime Police mula sa bangkang M/B Joy Merril na nakaranas ng engine failure sa kalagitnaan ng kanilang paglalayag. Agad namang tumugon ang seaborn patrol ng Marinduque Maritime Police sa pangunguna ni Police Major Patricio A. Corcha Jr., Station Chief, at matagumpay na nailigtas ang 30 pasahero mula sa posibleng kapahamakan.
Ang mabilis na aksyon ng mga awtoridad ay nagpapatunay sa kanilang dedikasyon na gampanan ang kanilang tungkulin sa abot ng makakaya, kasabay ng pagtupad sa layunin ng pamahalaan na masiguro ang kaligtasan ng bawat mamamayan sa ilalim ng Bagong Pilipinas.
Source: Maritime Pulis Marinduque Marpsta
Panulat ni Patrolwoman Ana Rose D Guadaña
