Arestado ang isang Most Wanted Person sa Municipal Level sa kasong Frustrated Murder ng mga tauhan ng Surallah Municipal Police Station nito lamang ika-10 ng Oktubre 2024 sa Manzano Subdivision, Zone 3, Barangay Libertad, Surallah, South Cotabato.
Kinilala ang suspek na si alyas “Amay”, 56 taong gulang, may asawa, pintor at residente ng Manzano Subdivision, Zone 3, Barangay Libertad, Surallah, South Cotabato.
Nadakip ang suspek sa bisa ng Warrant of Arrest sa kasong Frustrated Murder na may rekomendadong piyansa na Php200,000.
Patuloy ang Surallah PNP sa pagsasagawa ng mga operasyon laban sa mga wanted persons upang mapanatiling ligtas at payapa ang isang Bagong Pilipinas.
Panulat ni Pat Rhesalie Umalay
