Nasabat ng pulisya ang tinatayang Php3,060,000 halaga ng ilegal na droga sa buy-bust operation na ikinasa sa Barangay Bakhaw, Mandurriao, Iloilo City, nito lamang ika-9 ng Oktubre 2024.
Ang operasyon ay pinangunahan ni Police Captain Val Cambel ng Iloilo City Police Station 10 na nagresulta sa pagkakahuli ng suspek na kinilalang si alyas “Naldo”, 42 taong gulang, pansamantalang naninirahan sa Zone 3, Barangay Bakhaw, Mandurriao, Iloilo City.
Nakumpiska mula sa suspek ang humigit-kumulang 460 gramo ng hinihinalang shabu na may tinatayang halaga na Php3,060,000, Php12,000 na ginamit bilang buy-bust money, isang caliber .38 pistol at tatlong bala.
Ang suspek ay nahaharap sa kasong paglabag sa Republic Act 9165 o ang “Comprehensive Dangerous Drugs Act of 2002” at RA 10591 o “Comprehensive Firearms and Ammunition Regulation Act”.
Ang matagumpay na operasyon ay nagpapatunay sa determinasyon ng mga kapulisan sa Iloilo City na sugpuin ang problema sa droga sa rehiyon at protektahan ang komunidad mula sa masamang epekto nito.
Source: XFM Radyo Patrol Iloilo
Panulat ni Pat Glydel V Astrologo
