Himas rehas ang isang lalaking Wanted Person na may kasong Murder matapos mapasakamay ng mga awtoridad sa Barangay Victory, Silvino Lubos, Northern Samar nito lamang Oktubre 07, 2024.
Kinilala ni Police Lieutenant Klient Charles P Briol, Officer-In-Charge ng Silvino Lubos Municipal Police Station, ang suspek na si alyas “Odok”, 49 anyos, magsasaka at residente ng Barangay Victory, Silvino Lubos, Northern Samar.
Bandang 2:00 ng hapon nang maaresto ang suspek ng mga tauhan ng Silvino Lubos MPS kasama ang Northern Samar Provincial Intelligence Unit at 122 Special Action Company, 12 Special Action Battalion, PNP-SAF sa bisa ng Warrant of Arrest para sa kasong Murder na walang piyansa.
Patunay lamang na ang Northern Samar PNP ay patuloy sa pagpapatupad sa kanilang sinumpaang tungkulin kontra sa lahat ng uri ng kriminalidad upang magkaroon ng maunlad na bansa para sa sambayanang Pilipino tungo sa isang Bagong Pilipinas.
Panulat ni Patrolwoman Ma. Elena B Singian
