Arestado ang Dalawang Regional Most Wanted Person sa isinagawang manhunt operation ng Antipolo PNP sa bayan ng Antipolo nito lamang ika-08 ng Oktubre 2024.
Kinilala ni Police Colonel Felipe B Maraggun, Provincial Director ng Rizal Police Provincial Office, ang mga suspek na sina alyas “Raca”, 39 taong gulang, at “Jodu”, 31 taong gulang, parehong residente ng Barangay San Jose, Antipolo City, Rizal.
Naaresto ang mga suspek bandang 7:45 ng gabi ng mga tauhan ng Antipolo Component City Police Station sa bisa ng Warrant of Arrest para sa kasong destructive arson na walang piyansa.
Ang matagumpay na operasyon ng mga kapulisan ng Rizal ay magpapatuloy sa masigasig na pagtugis sa mga criminal at tiyakin na mapanagot sa batas ang mga nagkasala upang mabigyan ng agarang hustisya ang mga biktima nito.
Source: Rizal Police Provincial Office
Panulat ni Patrolwoman Angelica Rica S Teng
