Arestado ng mga operatiba ng Cateel Municipal Police Station ang tinaguriang Top 3 Most Wanted Person sa Provincial Level nito lamang Oktubre 8, 2024 sa Barangay Malibago, Cateel, Davao Oriental.
Kinilala ni Police Captain Marvin L Parreño Jr, Officer-In-Charge ng Cateel MPS, ang suspek na si alyas “Keith”, 28 anyos, isang manggagawa at residente ng nasabing lugar.
Naaresto ang suspek sa bisa ng Warrant of Arrest sa kasong Rape by Sexual Assault na may piyansang Php120,000 at Acts of Lasciviousness na may piyansang Php170,000.
Samantala, patuloy namang nagsisikap ang mga tauhan ng Police Regional Office 11, upang mahuli at maiharap sa korte ang lahat ng wanted persons at iba pang lumalabag sa batas.
Panulat ni Patrolwoman Shairra Rose A Aquino
