Boluntaryong nagbalik-loob sa pamahalaan ang isang tagasuporta ng Communist Terrorist Group sa mga kapulisan ng 2nd Zamboanga Sibugay Provincial Mobile Force Company katuwang ang RT Lim Municipal Police Station sa Barangay Don Perfecto RT Lim, Zamboanga Sibugay nito lamang Martes, ika-08 ng Oktubre 2024.
Kinilala ni Police Lieutenant Flint S Depnag, Force Commander ng 2nd Zamboanga Sibugay PMFC, ang sumuko na si alyas “Rol”, 34 anyos at residente ng Purok Bombil 2, Sitio Gutayan, Barangay Don Perfecto RT Lim, Zamboanga Sibugay.
Si alyas “Rol” ay dating tagasuporta ng Militia ng Bayan CTG sa ilalim ng Guerilla Front Committee SECOM Feliciano A at nagbalik-loob sa pamahalaan sa pagnanais na mamuhay ng maayos at tahimik kasama ang kanyang pamilya.
Ang matagumpay na pagbabalik-loob nito ay sa pagsisikap ng mga kapulisan ng RT Lim MPS para pababain at hikayatin ang mga kababayang nalihis ng landas.
Sa ilalim ng programa ni Pangulong Marcos na naglalayong sugpuin ang insurhensiya, ang Pambansang Pulisya ay patuloy na hinihikayat ang mga natitira pang miyembro at tagasuporta ng Communist Terrorist Group na magbalik-loob sa pamahalaan at samantalahin ang programa nitong E-CLIP o Enhanced Comprehensive Local Integration Program at magkaisa tungo sa isang Bagong Pilipinas.
Panulat ni Pat Joyce Franco
