Nagsagawa ng isang Clean-up Drive ang mga tauhan ng 2nd Nueva Ecija Provincial Mobile Force Company sa Zone 2, Barangay Piut, Carranglan, Nueva Ecija nito lamang ika-6 ng Oktubre 2024.
Ang naturang aktibidad ay pinangunahan ni Police Captain Pepe H Alindayo Jr, Team Leader ng 2nd Nueva Ecija Provincial Mobile Force Company na aktibong nilahukan ng mga Opisyal ng Barangay, mga Barangay Peace Keeping Action Teams, at mga residente ng nasabing lugar.
Sari-saring mga basura gaya ng plastic, bote, at iba pa ang napulot ng mga nakilahok na nagkalat sa gilid ng daan.
Ang pinagsamang pagsisikap na ito ay naglalayong itaguyod ang kalinisan at kamalayan sa kapaligiran sa mga residente habang pinapalakas ang pagkakaisa at sama-samang responsibilidad.
Panulat ni Patrolwoman Maurene A Kiaki
