Nagsagawa ng briefing at orientation ang Nueva Ecija Police Provincial Office sa mga Criminology Intern Students mula sa iba’t ibang paaralan ng Nueva Ecija nito lamang Lunes, ika-7 ng Oktubre 2024.
Ang aktibidad ay pinangunahan ni Police Colonel Ferdinand D Germino, Acting Provincial Director ng Nueva Ecija Police Provincial Office.
Hinikayat ni PCol Germino ang mga estudyante na lubusang tanggapin at pag-aralan ang mga lectures, pagsasanay, demonstrasyon, at iba pang mga aktibidad na nakapaloob sa kanilang internship program.
Dagdag nito, ang mga ito ay magsisilbing pundasyon sa pagpapahusay ng kanilang kakayahan at kaalaman bilang mga hinaharap na lingkod-bayan.
Ang nasabing aktibidad ay bahagi ng patuloy na pagsisikap ng Nueva Ecija PNP na mabigyan ng sapat na kasanayan at inspirasyon ang mga estudyante upang maging handa sa pagsisilbi sa bayan bilang mga propesyonal na nasa larangan ng pagpapanatili ng kaayusan at kapayapaan sa komunidad.
