Arestado ang tinaguriang City Most Wanted Person sa kasong Statutory Rape sa isinagawang Warrant of Arrest Operation ng mga awtoridad sa Sitio Upper Gumban, Barangay Titulok, Bagumbayan, Sultan Kudarat nito lamang ika-8 ng Oktubre 2024.
Kinilala ni Police Major Angel P Legada, Hepe ng Bagumbayan Police Station, ang wanted person na si alyas “Bongbong”, 52 anyos, may asawa, magsasaka at residente ng Barangay San Jose, Koronadal City.
Naaresto ang suspek ng mga tauhan ng Bagumbayan Municipal Police Station at Koronadal City Police Station kasama ang South Cotabato Provincial Intelligence Unit, Regional Intelligence Unit 12 Tracker Team Charlie, CIDG SKPFU12, RSOG 12 at 2nd SKPMF.
Ang suspek ay may Warrant of Arrest na may kasong Statutory Rape na walang nirekomendang piyansa.
Walang tigil ang mga operasyon ng PNP sa pagpapaigting ng kampanya laban sa iba’t ibang kriminalidad. Patunay lamang ang matagumpay na operasyong ito na walang takas ang sinumang nagkakasala sa batas.
