Arestado ang isang Sales Lady sa kasong Qualified Theft sa ikinasang operasyon ng mga tauhan ng Ozamiz City Police Station sa Ozamiz City, Misamis Occidental nito lamang ika-6 ng Oktubre 2024.
Kinilala ni Police Brigadier General Jaysen C De Guzman, Acting Regional Director ng Police Regional Office 10, ang suspek na si alyas “Neneng”, 44 anyos na babae, may asawa, sales lady at residente ng Purok 6, Barangay Unidos, Plaridel, Misamis Occidental.
Bandang 8:20 ng umaga nang maaresto ang suspek sa isinagawang operasyon ng mga miyembro ng Ozamiz CPS sa bisa ng Warrant of Arrest sa kasong 9 Counts of Qualified Theft na may piyansa na Php270,000.
Ang Misamis Occidental PNP ay humihingi sa publiko ng patuloy na suporta sa pagkamit ng misyon sa pamamagitan ng pagtutulungan at napapanahong impormasyon para sa ikabubuti ng komunidad.
Panulat ni Patrolwoman Rizza Sajonia
