Arestado ng pulisya ang isang kandidato para sa pagka-alkalde ng Santa, Ilocos Sur na may kasong Attempted Rape sa Barangay Magsaysay District, Santa, Ilocos Sur.
Kinilala ni Police Captain Jake Bryan Riberal, Officer-In-Charge ng Santa PNP, ang suspek na si alyas “Mario”, 63 taong gulang, at residente ng Barangay Magsaysay District, Santa, Ilocos Sur.
Ayon kay Police Captain Riberal, naaresto ang suspek bandang 9:35 sa bisa ng Warrant of Arrest sa kasong Attempted Rape na may piyansa na Php60,000.
Samantala, nangangako naman ang Santa PNP na patuloy nilang gagampanan ang kanilang tungkulin at sisiguraduhing mananagot ang mga taong nagkasala sa batas.
Source: Santa Municipal Police Station
