Nagsagawa ang mga tauhan ng Bislig City Police Station ng pagpupulong tungkol sa 3rd Quarter CPOC-CADAC Meeting na ginanap sa Archive Building, Poblacion, Bislig City nito lamang Oktubre 4, 2024.
Pinangunahan ni Police Master Sergeant Jay Delos Santos sa ilalim ng pamumuno ni Police Major Magdalino G. Pimentel Jr., Acting Chief of Police, ang nasabing CPOC-CADAC o City Peace and Order Council-City Anti-Drug Abuse Council Meeting.
Partikular na itinampok sa pagpupulong ang kasalukuyang antas ng krimen, mga plano sa pagpapabuti ng kaligtasan ng publiko, at mga estratehiya para sa mas mahusay na kolaborasyon.
Tinalakay din ang pagbibigay ng mga hakbang kontra terorismo at insurhensiya (NTF-ELCAC EO 70), kabilang ang BIDA Program, at ang Revitalized PNP KASIMBAYANAN.
Dumalo sa pagpupulong ang Bise Alkalde na si Atty. Alfredo J. Carmelo, City Legal Officer Atty. Hao, mga miyembro ng 67th IB 4th Division, at 24 na Barangay Captains ng Bislig City.
Layunin ng nasabing pagpupulong na palakasin ang kooperasyon at pagtutulungan ng lahat ng ahensya upang mas mapabuti ang seguridad at kalagayan ng komunidad sa Bislig City.
Ang aktibidad na ito ay simbolo ng tunay na dedikasyon ng Bislig PNP sa pakikipagtulungan para sa mas epektibong mga hakbang laban sa krimen, terorismo at pag-abuso sa droga, na susi sa mas maunlad at ligtas na Bagong Pilipinas.
Panulat ni Patrolwoman Karen Mallillin
